წესები და პირობები

1. ვინ ვართ

Strelf-ის მომსახურებას ახორციელებს ი/მ თემური ჩიტაშვილი, პირადი ნომერი 01411109648 (შემდგომში „Strelf“ ან „ჩვენ“).

2. რას აკეთებს Strelf

Strelf არის ონლაინ პლატფორმა, რომელიც აკავშირებს მაღაზიებს („მაღაზია“) და დისტრიბუტორ კომპანიებს („კომპანია“). მაღაზია პლატფორმაზე აფორმებს შეკვეთას, კომპანია კი იღებს, ადასტურებს და აწვდის მას.

ნასყიდობის ხელშეკრულება იდება უშუალოდ მაღაზიასა და კომპანიას შორის. Strelf არ არის ამ ხელშეკრულების მხარე, არ ყიდის საქონელს და არ იღებს, არ ინახავს და არ ატარებს შეკვეთის თანხას — მაღაზია იხდის უშუალოდ კომპანიას.

პროდუქციის აღწერაზე, ფასზე, ხელმისაწვდომობაზე, ხარისხზე და მიწოდებაზე პასუხისმგებელია კომპანია.

3. ანგარიში

• ანგარიშში შესვლა ხდება ტელეფონის ნომრით და SMS კოდით. ნუ გაუზიარებთ კოდს სხვას.
• თქვენ პასუხისმგებელი ხართ ანგარიშიდან შესრულებულ ქმედებებზე, მათ შორის თქვენი გუნდის წევრების ქმედებებზე.
• მიუთითეთ სწორი მონაცემები: დასახელება, საიდენტიფიკაციო კოდი, მისამართი, საკონტაქტო ინფორმაცია.
• Strelf-ით სარგებლობა შეუძლია 18 წელს მიღწეულ პირს, რომელიც მოქმედებს საკუთარი ან წარმოდგენილი ბიზნესის სახელით.
• მაღაზიის ან კომპანიის რეგისტრაციისას მოგეთხოვებათ ორი მონიშვნა: თანხმობა ამ წესებზე და კონფიდენციალურობის პოლიტიკაზე და თანხმობა, რომ Strelf-მა შეამოწმოს თქვენი საიდენტიფიკაციო კოდი RS.ge-ის რეესტრში. ვინახავთ, როდის და რომელ ვერსიაზე დათანხმდით.

4. მაღაზიები

• მაღაზიებისთვის Strelf უფასოა.
• გაგზავნილი შეკვეთა არის მოთხოვნა კომპანიისადმი; შეკვეთა სავალდებულო ხდება კომპანიის მიერ დადასტურების შემდეგ.
• თუ კომპანია ცვლის შეკვეთას (რაოდენობა, პროდუქტი, მიწოდების დღე), ცვლილება ძალაში შედის თქვენი თანხმობით.
• მიტანისას გადაიხადეთ კომპანიასთან შეთანხმებული წესით და პლატფორმაზე სწორად დაადასტურეთ მიღება.
• პრობლემის (ნაკლებობა, დაზიანება) შეტყობინება შესაძლებელია მიწოდებიდან 24 საათის განმავლობაში.

5. კომპანიები

• კომპანია მაღაზიებისთვის ჩანს Strelf-ის მიერ გადამოწმების და დადასტურების შემდეგ. Strelf-ს შეუძლია მოითხოვოს დამატებითი დოკუმენტები ან უარი თქვას დადასტურებაზე.
• კომპანიის დასადასტურებლად Strelf ამოწმებს საიდენტიფიკაციო კოდს RS.ge-ის საჯარო რეესტრში და შეუძლია მფლობელს სთხოვოს RS.ge-ით შესვლა კომპანიის დასადასტურებლად.
• კომპანია ვალდებულია კატალოგში მიუთითოს სწორი ინფორმაცია და ფასები და შეასრულოს დადასტურებული შეკვეთები.
• კომპანია თავად არის პასუხისმგებელი მისი საქმიანობისთვის საჭირო ნებართვებზე, საგადასახადო ვალდებულებებზე და მაღაზიისთვის საჭირო დოკუმენტებზე (მაგ. ზედნადები, ანგარიშ-ფაქტურა).
• ზედნადებების ფუნქცია არჩევითია და ნაგულისხმევად გამორთულია. ჩართვისას კომპანია გვაძლევს RS.ge-ის სერვისის მომხმარებელს, რათა მისი სახელით შევქმნათ ზედნადებები. ზედნადების შინაარსზე და საგადასახადო ვალდებულებებზე პასუხისმგებელი რჩება კომპანია. კავშირის გათიშვა შეგიძლიათ ნებისმიერ დროს.

6. გამოწერა და გადახდა (კომპანიებისთვის)

• გამოწერის ფასი დამოკიდებულია გეგმაზე — Start 99 ₾, Standard 199 ₾, Pro 349 ₾ თვეში, თუ კომპანიასთან სხვა ფასი არ არის შეთანხმებული. გეგმა, მოქმედი ფასი და ლიმიტები ჩანს ბილინგის გვერდზე.
• პირველი თვე დადასტურებიდან უფასოა.
• ანგარიში იწერება წინასწარ, ყოველთვიურად, დადასტურების რიცხვში, და იხდება ბარათით საქართველოს ბანკის გვერდზე 10 დღის განმავლობაში. ინვოისი და გადახდის ღილაკი ჩანს ბილინგის გვერდზე.
• გადახდის ვადის გადაცილებისას Strelf-ს შეუძლია კომპანია დროებით დამალოს მაღაზიებისთვის გადახდამდე.
• ფასის ცვლილებას წინასწარ, არანაკლებ 30 დღით ადრე შეგატყობინებთ.
• გამოწერის გაუქმება შესაძლებელია ნებისმიერ დროს; უკვე გადახდილი პერიოდი გრძელდება მის ბოლომდე და თანხა არ ბრუნდება.

7. ლოიალობის კრედიტები

• ეს არჩევითი პროგრამაა: კომპანია შეიძლება მიტანილ შეკვეთებზე მაღაზიას აძლევდეს კრედიტს. 1 კრედიტი = 1 ₾.
• კრედიტი არის კომპანიის მიერ მიცემული ფასდაკლება და არა ფული: მას ნაღდი ღირებულება არ აქვს, არ იგზავნება, არ გადაეცემა სხვას და მხოლოდ იმ კომპანიასთან იხარჯება, რომელმაც მოგცათ. მისი გამოყენებით მცირდება ნაღდი თანხა, რომელსაც კომპანიას მიტანისას უხდით.
• პროგრამა მუშაობს მხოლოდ მაშინ, როცა ის ჩართულია Strelf-ის მხრივ, Strelf-მა ეს კომპანიას ნება დართო და კომპანიამ თავად ჩართო. ნებისმიერი მათგანის გამორთვისას ახალი კრედიტი აღარ ირიცხება და აღარ იხარჯება; უკვე დარიცხული ნაშთი ინახება, ხოლო შეკვეთაზე უკვე გამოყენებული კრედიტი ძალაში რჩება.
• დარიცხვის პროცენტს, შეკვეთაზე გამოყენების ლიმიტს და ვადას კომპანია ადგენს; პირობები ჩანს აპლიკაციაში. ცვლილება ახალ დარიცხვებზე ვრცელდება. თუ ვადა დაწესებულია, კრედიტი ქრება, როცა მაღაზია ამ კომპანიისგან მითითებული დროის განმავლობაში არ შეუკვეთავს.
• კრედიტი ირიცხება იმ ნაღდ თანხაზე, რომელიც რეალურად გადაიხადეთ, მას შემდეგ, რაც მიღებას დაადასტურებთ. გაუქმებულ, უარყოფილ ან ვერმიტანილ მიწოდებაზე კრედიტი არ ირიცხება, ხოლო შეკვეთაზე დაჯავშნული კრედიტი თქვენ გიბრუნდებათ.
• კომპანიას შეუძლია შენიშვნით დაგიმატოთ ან ჩამოგიწეროთ კრედიტი (მაგ. საჩუქარი ან შეცდომის გასწორება); ნაშთი ნულს ქვემოთ არ ეცემა.

Strelf აწარმოებს კრედიტების აღრიცხვას, მაგრამ არ არის კომპანიის ფასდაკლების მხარე და არ აგებს პასუხს მის პროგრამაზე. პროგრამის საგადასახადო რეჟიმზე პასუხისმგებელია კომპანია. Strelf-ს შეუძლია პროგრამის შეცვლა ან შეწყვეტა; ამის შესახებ წინასწარ შეგატყობინებთ.

8. აკრძალულია

• ყალბი ან სხვისი მონაცემებით რეგისტრაცია;
• კანონით აკრძალული ან ლიცენზიის გარეშე გასაყიდი საქონლის განთავსება;
• მცდარი ფასების ან აღწერის განზრახ მითითება;
• სხვა მომხმარებლის შეწუხება ან მოტყუება;
• პლატფორმის მუშაობის შეფერხების ან უნებართვო წვდომის მცდელობა.

წესების დარღვევისას Strelf-ს შეუძლია შეზღუდოს ან დაბლოკოს ანგარიში.

9. პასუხისმგებლობა

ვცდილობთ, Strelf მუდმივად და შეცდომების გარეშე მუშაობდეს, თუმცა ამას ვერ ვიძლევით გარანტიას. შესაძლებელია დროებითი შეფერხებები, მათ შორის ტექნიკური სამუშაოებისას.

Strelf არ არის პასუხისმგებელი მაღაზიასა და კომპანიას შორის დავებზე, საქონლის ხარისხზე ან მიწოდებაზე, თუმცა შეძლებისდაგვარად დაგეხმარებით დავის მოგვარებაში.

კანონით დაშვებულ ფარგლებში, Strelf-ის პასუხისმგებლობა შემოიფარგლება ბოლო 3 თვეში Strelf-ისთვის გადახდილი თანხით.

10. პირადი მონაცემები

როგორ ვამუშავებთ თქვენს მონაცემებს, აღწერილია კონფიდენციალურობის პოლიტიკაში: strelf.com/privacy.

11. ცვლილებები

პირობები შეიძლება განახლდეს. მნიშვნელოვან ცვლილებებს წინასწარ შეგატყობინებთ აპლიკაციაში ან SMS-ით. ცვლილების შემდეგ Strelf-ით სარგებლობა ნიშნავს ახალ პირობებზე თანხმობას.

12. მოქმედი კანონი

ამ პირობებზე ვრცელდება საქართველოს კანონმდებლობა. დავები, რომელთა მოლაპარაკებით მოგვარება ვერ მოხერხდა, განიხილება საქართველოს სასამართლოებში.

13. კონტაქტი

• ტელეფონი და WhatsApp: +995 597 05 08 97
• ელფოსტა: support@strelf.com